*కొత్తిమీర, నిమ్మకాయ..

 

*కొత్తిమీర, నిమ్మకాయ..

1. ఒక కప్పు కొత్తిమీర, ఒక టేబుల్ స్పూన్ నిమ్మ రసం, తగినంత నీరు తీసుకోండి.
2. బ్లెండర్ లో వేసి స్మూత్ గా బ్లెండ్ చేయండి. ఇంకొంచెం పల్చగా కావాలనుకుంటే ఇంకొన్ని నీళ్ళు పోయండి.
3. కావాలనుకుంటే చిటికెడు చాట్ మసాలా కూడా వేసుకోవచ్చు.

Also Read : కాఫీ తాగితే కాన్సర్ రాదా..

* పాలకూర, క్యారెట్, యాపిల్..

1. ఐదు పాల కూర ఆకులు, ఒక యాపిల్, ఒక క్యారెట్ తీసుకోండి.
2. చిన్న ముక్కలుగా తరిగి బ్లెండర్ లో వేసి కొంచెం నీరు కలిపి బ్లెండ్ చేయండి.
3. అలాగే తాగితే మంచిది, తాగలేకపోతే అందులో ఉన్న పల్ప్ అంతా స్ట్రెయిన్ చేసేయండి.
4. కావాలనుకుంటే కొద్దిగా దాల్చిన చెక్క పొడి కలుపుకోవచ్చు.

* సెలరీ, బత్తాయి పండు, పాల కూర..

1. ఐదు పాల కూర ఆకులు, ఒక బత్తాయి పండు, రెండు సెలరీ స్టాక్స్ తీసుకోండి.
2. బత్తాయి పండు తొనలూ, పాల కూర ఆకులూ, సెలరీ అన్నీ బ్లెండర్ లో వేసి జ్యూస్ చేయండి.
3. కొద్దిగా నిమ్మ రసం కూడా కలిపితే ఫ్లేవర్ బావుంటుంది.

* కాలె, సెలరీ

1. ఒక సెలరీ స్టాక్, ఐదు కాలే ఆకులు, ఒక కీరా, రెండు టేబుల్ స్పూన్ల పార్స్లీ, కొన్ని పైనాపిల్ ముక్కలు (దొరికితే, నచ్చితే) తీసుకోండి
2. వీటిని బ్లెండర్ లో వేసి జ్యూస్ చేయండి.
3. అలాగే తాగేయవచ్చు, లేదా పల్ప్ ఎక్కువగా ఉంది అనిపిస్తే స్ట్రెయిన్ చేసి తాగవచ్చు.

* క్యాబేజ్, నిమ్మ కాయ

1. ఒక క్యాబేజ్, గుప్పెడు పుదీనా ఆకులు, ఒక టేబుల్ స్పూన్ తేనె, కొద్దిగా నిమ్మ రసం తీసుకోండి.
2. క్యాబేజ్ ని విడదీసి ఆకులని శుభ్రంగా కడగండి.
3. తరువాత వాటిని ఆరబెట్టండి.
4. వీటిని బ్లెండర్ లో వేసి జ్యూస్ తీయండి.
5. సన్నగా తరిగిన పుదీనా, తేనె, నిమ్మ రసం కలిపి తాగేయండి.

Also Read : రోజూ ఇలా చేస్తే ఇమ్యూనిటీ దానంతట అదే పెరుగుతుంది..

* కీరా, కివీ

1. రెండు కివీ, ఒక కీర తీసుకోండి.
2. చెక్కు తీసి చిన్న చిన్న ముక్కలు చేయండి.
3. బ్లెండర్ లో వేసి జ్యూస్ తీయండి.
4. కొద్దిగా ఉప్పు, మిరియాల పొడి కూడా యాడ్ చేసుకోవచ్చు.

* సొర కాయ, ఉసిరి కాయ, పుదీనా

1. అర సొర కాయ తీసుకుని చెక్కు తీసి ముక్కలుగా చేయండి.
2. మూడు నాలుగు ఉసిరి కాయల్ని ముక్కలు చేయండి.
3. బ్లెండర్ లో సొరకాయ ముక్కలూ, ఉసిరికాయ ముక్కలూ, గుప్పెడు పుదీనా ఆకులూ, కొద్దిగా అల్లం, కొంచెం ఉప్పు వేసి బ్లెండ్ చేయండి.
4. వెంటనే తాగేయండి.

* ఉసిరికాయ, కొత్తిమీర

1. పది, పన్నెండు ఉసిరికాయల్ని గింజ తీసేసి ముక్కలు చేయండి.
2. ఈ ముక్కల్ని కొద్దిగా నిమ్మ రసం, గుప్పెడు కొత్తిమీర తో కలిపి బ్లెండ్ చేయండి. అవసరాన్ని బట్టి నీరు యాడ్ చేసుకోండి.
3. రుచికి కొద్దిగా బ్లాక్ సాల్ట్ కూడా కలుపుకోవచ్చు.

* క్యాబేజ్, కీరా, మామిడి కాయ

1. పావు క్యాబేజ్, మూడు రెమ్మల పార్స్లీ, రెండు పాల కూర ఆకులు, ఒక కీరా, ఒక మామిడి కాయ తీసుకోండి.
2. వీటిని ముక్కలుగా చేసి బ్లెండర్ లో వేసి నీరు సరి చూసుకుంటూ బ్లెండ్ చేయండి.

చూశారు కదా. ఇక పొద్దున్నో సాయంత్రమో ఒక సారి ఈ గ్రీన్ జ్యూస్ తాగారంటే ఆరోగ్యంగా ఉంటారు, స్కిన్ కి కూడా మంచి గ్లో వస్తుంది.