ఆర్యవైశ్యుల సేవలు అభినందనీయం..... కేంద్ర మంత్రి కిషన్ రెడ్డి

 

ఆర్యవైశ్యుల సేవలు

అభినందనీయం..... కేంద్ర మంత్రి కిషన్ రెడ్డి.                                      వ్యాపారంతో పాటు సామాజిక సేవ రంగాల్లో ఆర్యవైశ్యులు అందరికీ ఆదర్శంగా నిలుస్తున్నారని కేంద్ర మంత్రి జీ.కిషన్ రెడ్డి అన్నారు.ఆదివారం ముషీరాబాద్ లోని వాసవి ఆర్యవైశ్య హాస్టల్ ట్రస్ట్ ఆధ్వర్యంలో నూతనంగా నిర్మించిన టీజీ లక్ష్మీ వెంకటేష్ లేడీస్ హాస్టల్ భవనాన్ని కేంద్ర మంత్రి కిషన్ రెడ్డి ,ఎంపీ డాక్టర్ లక్ష్మణ్ ,ఎమ్మెల్యే ముఠాగోపాల్ ,మాజీ మంత్రి టీజీ వెంకటేష్ ,అంతర్జాతీయ ఆర్యవైశ్య ఫెడరేషన్ జాతీయ వర్కింగ్ ప్రెసిడెంట్ గంజి రాజామౌళి గుప్త ,రాష్ట్ర అధ్యక్షులు ఉప్పల శ్రీనివాస్ గుప్తాతో పాటు కలిసి ప్రారంభించారు . అనంతరం ఆయన మాట్లాడుతూ పేద విద్యార్థులకు ఉచిత భోజన వసతి సౌకర్యం కల్పించడం అభినందనీయమన్నారు. ఉన్నత విద్య అభ్యసించేలా విద్యార్థులను వాసవి ఆర్యవైశ్య హాస్టల్ ట్రస్ట్ ప్రోత్సహించడం మంచి పరిణామం అన్నారు. వాసవి ఆర్యవైశ్య హాస్టల్ ట్రస్ట్ బాధ్యతా యుతంగా పనిచేయడం అభినందనీయమని కొనియాడారు. ఈ కార్యక్రమంలో ఎమ్మెల్సీ బొగ్గారపు దయానంద్ ,కార్పొరేటర్లు సుప్రియ నవీన్ గౌడ్ ,రవి చారి,వాసవి ఆర్యవైశ్య ట్రస్ట్ నాయకులు రమేష్ గెళ్లీ ,గౌర శ్రీనివాస్ ,బండారు సుబ్బారావు ,కక్కిరాల రమేష్ , ముత్యాల సత్తయ్య, పబ్బ చంద్ర శేఖర్,పుల్లూరి మధు,మహిళా ప్రతినిధులతో పాటు వివిధ జిల్లాల ఆర్యవైశ్య సంఘం నాయకులు,సభ్యులు పాల్గొన్నారు.