ఉప్మారవ్వతో గారెలు

 

Rava Garelu: గారెలు తినాలనిపిస్తే ఇలా ఉప్మారవ్వతో అప్పటికప్పుడు చేసేసుకోండి, మినపప్పు నానబెట్టాల్సిన అవసరం లేదు

• 
  
• Rava Garelu: గారెలు పేరు చెబితేనే ఎంతో మందికి నోరూరిపోతుంది. కానీ గారెలు చేయాలంటే అయిదు గంటల ముందే మినపప్పు నానబెట్టుకోవాలి. ఆ తరువాత రుబ్బుకుని గారెలు చేసుకోవాలి. ఈలోపు గారెలు తినాలన్న ఆలోచన కూడా పోతుంది. అందుకు గారెలు తినాలనిపించిన వెంటనే ఉప్మా రవ్వతో ఇన్ స్టెంట్‌గా చేసుకోవచ్చు. వీటి రెసిపీ చాలా సులువు. ఇక్కడ మేము రెసిపీ ఇచ్చాము. దీన్ని ఫాలో అయిపోండి.                                            రవ్వ గారెలు రెసిపీకి కావాల్సిన పదార్థాలు
• ఉప్మా రవ్వ - రెండు కప్పులు.                             పెరుగు - ఒక కప్పు పెరుగు
• ఉల్లిపాయ - ఒకటి

జీలకర్ర - ఒక స్పూను

అల్లం - చిన్న ముక్క

పచ్చిమిర్చి - రెండు

కొత్తిమీర తరుగు - రెండు స్పూన్లు

కరివేపాకులు - గుప్పెడు

పుదీనా తరుగు - రెండు స్పూన్లు

ఉప్పు - రుచికి సరిపడా

నీళ్లు - సరిపడినన్ని

నూనె - డీప్ ఫ్రైకి సరిపడా

రవ్వ గారెలు రెసిపీ

1. రవ్వ గారెలు చేసేందుకు ఉప్మారవ్వను ఎంచుకోవాలి.

2. ఒక గిన్నెలో ఉప్మా రవ్వను వేసుకోవాలి. అందులో కప్పు పెరుగు వేసి బాగా కలుపుకోవాలి.

3. అందులోనే సన్నగా తరిగిన ఉల్లిపాయలు, పచ్చిమిర్చి, కొత్తిమీర, పుదీనా తరుగు వేసి కలుపుకోవాలి.

4. రుచికి సరిపడా ఉప్పు, జీలకర్ర, అల్లం తరుగు వేసి బాగా కలుపుకోవాలి.

5. సరిపడా నీటిని కూడా వేసి బాగా కలుపుకోవాలి.

6. గారెలకు ఎంత మందంగా కావాలో అంత మందంగా నీటిని కలుపుకోవాలి. ఇందులో చిటికెడు వంట సోడా వేసి కలపాలి.

7. స్టవ్ మీద కళాయి పెట్టి నూనె వేయాలి. డీప్ ఫ్రైకి సరిపడా నూనె వేయాలి.

8. నూనె వేడెక్కాక పిండిని చేత్తో తీసుకుని గారెల్లా ఒత్తుకుని నూనెలో వేయాలి.

9. రెండు వైపులా రంగు మారేవరకు వేయించి తీసి టిష్యూ పేపర్ పై వేసుకోవాలి. అదనపు నూనెను పీల్చేస్తుంది.

10. వాటిని కొబ్బరి చట్నీతో తింటే టేస్టీగా ఉంటుంది.

ఉప్మారవ్వతో చేసే గారెలు కూడా మినపప్పుతో చేసే గారెలు కూడా రుచిగానే ఉంటాయి. వీటిని టమోటా చట్నీ, కొబ్బరి పచ్చడి రెండింటితోనూ టేస్టీగానే ఉంటుంది. ఇవి అందరికీ నచ్చుతాయి. వీటిని వేడిగా తింటే ఆ రుచే వేరు.