తెలంగాణ ప‌బ్లిక్ స‌ర్వీస్ క‌మిష‌న్‌ చైర్మ‌న్ ప‌ద‌వి మాజీ డీజీపీ మ‌హేంద‌ర్ రెడ్డినే వ‌రించింది. టీఎస్‌పీఎస్సీ చైర్మ‌న్‌గా మ‌హేంద‌ర్ రెడ్డి నియామ‌కం అయ్యారు

 

                                               హైద‌రాబాద్ : తెలంగాణ ప‌బ్లిక్ స‌ర్వీస్ క‌మిష‌న్‌(టీఎస్‌పీఎస్సీ) చైర్మ‌న్ ప‌ద‌వి మాజీ డీజీపీ మ‌హేంద‌ర్ రెడ్డినే వ‌రించింది. టీఎస్‌పీఎస్సీ చైర్మ‌న్‌గా మ‌హేంద‌ర్ రెడ్డి నియామ‌కం అయ్యారు. స‌భ్యులుగా రిటైర్డ్ ఐఏఎస్ అనిత రాజేంద్ర‌, పాల్వాయి ర‌జ‌నీ కుమారి, అమీర్ ఉల్లాఖాన్, యాద‌య్య‌, వై రాంమోహ‌న్ రావు నియ‌మితుల‌య్యారు. టీఎస్‌పీఎస్సీ చైర్మ‌న్‌గా మ‌హేంద‌ర్ రెడ్డి నియామ‌కాన్ని గ‌వ‌ర్న‌ర్ త‌మిళిసై సౌంద‌ర్ రాజ‌న్ ఆమోదించారు. Also Read - భూసేక‌ర‌ణ‌లో అవ‌క‌త‌వ‌క‌ల‌పై సిట్టింగ్ జ‌డ్జితో విచార‌ణ జ‌రిపించండి టీఎస్‌పీఎస్సీ చైర్మ‌న్ పోస్టింగ్ కోసం మొత్తంగా 370 వ‌ర‌కు ద‌రఖాస్తులు వ‌చ్చాయి. ప్ర‌భుత్వం సెర్చ్ క‌మిటీని నియ‌మించి, ద‌ర‌ఖాస్తుల ప‌రిశీల‌న‌, అర్హుల‌ను సూచించే బాధ్య‌త‌ల‌ను అప్ప‌గించింది. క‌మిటీ వేగంగా ద‌ర‌ఖాస్తుల ప‌రిశీల‌న చేప‌ట్టి చైర్మ‌న్‌ను, స‌భ్యుల‌ను ఎంపిక చేసింది. చైర్మ‌న్ ప‌ద‌వి కోసం ద‌ర‌ఖాస్తు చేసుకున్న వారిలో నుంచి మాజీ డీజీపీ మ‌హేంద‌ర్ రెడ్డి పేరును ప్ర‌భుత్వానికి సూచించింది సెర్చ్ క‌మిటీ. ప్ర‌భుత్వం ఆ పేరును గ‌వ‌ర్న‌ర్ ప‌రిశీల‌న‌కు పంప‌గా, ఆమె కూడా ఆమోదించారు. Also Read - రేవంత్ పాలన భేష్‌: మాజీ మంత్రి జానారెడ్డి కొద్ది రోజుల క్రితం వ‌ర‌కు ఐఏఎస్ అధికారి జ‌నార్ధ‌న్ రెడ్డి టీఎస్‌పీఎస్సీ చైర్మ‌న్‌గా కొన‌సాగిన సంగ‌తి తెలిసిందే. ఆయ‌న హ‌యాంలో టీఎస్‌పీఎస్సీ ప్ర‌శ్న‌ప‌త్రాలు లీక్ కావ‌డంతో ప‌లు ప‌రీక్ష‌లు వాయిదా ప‌డ్డాయి. కాంగ్రెస్ ప్ర‌భుత్వం అధికారంలోకి రాగానే టీఎస్‌పీఎస్సీ ప్ర‌క్షాళ‌న దిశ‌గా అడుగులు వేసింది. చైర్మ‌న్‌తో పాటు స‌భ్యులంద‌రూ రాజీనామా చేశారు. మ‌హేంద‌ర్ రెడ్డి నేప‌థ్యం.. ముదిరెడ్డి మ‌హేంద‌ర్ రెడ్డి ఖ‌మ్మం జిల్లా మ‌ధిర మండ‌లం కిష్ణాపురంలో 1962 డిసెంబర్‌ 3న జన్మించారు. మహేందర్‌రెడ్డి 1986 బ్యాచ్‌ ఐపీఎస్‌ అధికారి. మ‌హేంద‌ర్ రెడ్డి ఐపీఎస్‌గా 36 ఏండ్ల పాటు సుదీర్ఘ సేవ‌లందించారు. పోలీసు శాఖ‌లో సాంకేతిక‌త‌తో విప్ల‌వాత్మ‌క మార్పులు తెచ్చారు మ‌హేంద‌ర్ రెడ్డి. 2022, డిసెంబ‌ర్ 31వ తేదీన మ‌హేంద‌ర్ రెడ్డి ప‌ద‌వీ విర‌మ‌ణ చేశారు. Also Read - ఉద్యమకారుడిగా గౌరవించారు: కోదండరామ్‌ డీజీపీ అనురాగ్ శ‌ర్మ ప‌ద‌వీ విర‌మ‌ణ త‌ర్వాత 2017, న‌వంబ‌ర్ 12న ఇంచార్జి డీజీపీగా నియ‌మితుల‌య్యారు. 2018, ఏప్రిల్ 10న పూర్తి స్థాయి డీజీపీగా నియ‌మితుల‌య్యారు. మూడేండ్ల‌కు పైగా త‌న ప‌ద‌వీ కాలంలో ఆయ‌న రాష్ట్రంలో శాంతిభ‌ద్ర‌త‌ల‌ను కాపాడ‌టంలోనూ కీల‌కంగా వ్య‌వ‌హ‌రించారు. అందుకే 2020, ఏప్రిల్ 8న దేశంలోని టాప్ 25 ఐపీఎస్ అధికారుల జాబితాలో 8వ స్థానాన్ని మ‌హేంద‌ర్ రెడ్డి ద‌క్కించుకున్నారు. ఇక ప్ర‌స్తుతం టీఎస్‌పీఎస్సీ చైర్మ‌న్‌గా నియామ‌క‌మైన మ‌హేంద‌ర్ రెడ్డి ఈ ఏడాది డిసెంబర్ వ‌ర‌కు కొన‌సాగే అవ‌కాశం ఉంది. ఎందుకంటే క‌మిష‌న్ నిబంధ‌న‌ల ప్ర‌కారం.. 62 ఏండ్లు దాటితే ప‌ద‌వీ విర‌మ‌ణ చేయాల్సి ఉంటుంది.