బ్యాంక్ శుభవార్త.. సేవింగ్స్ ఖాతా, FD వడ్డీ పెంపు.. రూ.5 లక్షలు జమ చేస్తే ఎంతొస్తుంది?

 బ్యాంక్ శుభవార్త.. సేవింగ్స్ ఖాతా, FD వడ్డీ పెంపు.. రూ.5 లక్షలు జమ చేస్తే ఎంతొస్తుంది?

                         FD Rates: బ్యాంకులో డబ్బులు దాచుకోవాలని చూస్తున్న వారికి బంపర్ ఆఫర్. ప్రస్తుత వడ్డీ రేట్ల కోత సమయంలో ఈ బ్యాంక్ అదిరే శుభవార్త చెప్పింది. ఫిక్స్‌డ్ డిపాజిట్లు సహా సేవింగ్స్ అకౌంట్ వడ్డీ రేట్లను సైతం సవరించింది. సవరించిన వడ్డీ రేట్లను అక్టోబర్ 8 నుంచే అమలులోకి తెచ్చింది. ఇప్పుడు సేవింగ్స్ ఖాతాలపై గరిష్ఠంగా 7.75 శాతం, ఎఫ్‌డీలపై 8.10 శాతం వరకు వడ్డీ ఆఫర్ చేస్తోంది. మరి రూ.5 లక్షలు ఎఫ్‌డీ చేస్తే ఎంతొస్తుంది? తెలుసుకుందాం.

FD Rates: రిజర్వ్ బ్యాంక్ ఆఫ్ ఇండియా కీలక పాలసీ రేట్లను భారీగా తగ్గించిన క్రమంలో బ్యాంకులు డిపాజిట్లపై వడ్డీ రేట్లను తగ్గించేశాయి. దీంతో ఫిక్స్‌డ్ డిపాజిట్లపై రాబడులు తగ్గిపోయాయి. చాలా మంది ఆ డబ్బులను ఇతర మార్గాల్లో ఇన్వెస్ట్ చేయాలనుకుంటున్నారు. ఇక కొత్తగా ఫిక్స్‌డ్ డిపాజిట్ చేయాలనుకునే వారు మంచి రాబడి ఇచ్చే బ్యాంకుల కోసం వెతుకుతున్నారు. అలాంటి వారందరికీ సూర్యోదయ స్మాల్ ఫైనాన్స్ బ్యాంక్ అదిరే శుభవార్త చెప్పింది. రూ.3 కోట్ల లోపు ఉండే రిటైల్ ఫిక్స్‌డ్ డిపాజిట్లతో పాటు సేవింగ్స్ అకౌంట్ డిపాజిట్లపై వడ్డీ రేట్లను మార్చింది. సవరించిన ఎఫ్‌డీ వడ్డీ రేట్లను అక్టోబర్ 8 నుంచి, సేవింగ్స్ అకౌంట్ వడ్డీ రేట్లను అక్టోబర్ 1వ తేదీ నుంచే అమలు చేస్తున్నట్లు తెలిపింది.

సూర్యోదయ ఎస్ఎఫ్‌బీ ఎఫ్‌డీ వడ్డీ రేట్లు

ప్రస్తుతం సూర్యోదయ స్మాల్ ఫైనాన్స్ బ్యాంకులో ఫిక్స్‌డ్ డిపాజిట్ వడ్డీ రేట్లు 4 శాతం నుంచి 8.05 శాతం వరకు ఉన్నాయి. గరిష్ఠ వడ్డీ రేట్లను 5 ఏళ్ల మెచ్యూరిటీ టెన్యూర్ డిపాజిట్లపై కల్పిస్తోంది. ఇక సీనియర్ సిటిజన్లకు అయితే ఎఫ్‌డీ వడ్డీ రేట్లు 4.20 శాతం నుంచి 8.10 శాతం వరకు ఉన్నాయి.

7 రోజుల నుంచి 14 రోజుల డిపాజిట్లపై జనరల్ కస్టమర్లకు 4 శాతం వడ్డీ ఇస్తోంది.

15 రోజుల నుంచి 45 రోజులకు 4.25 శాతం, 46 రోజుల నుంచి 90 రోజుల వరకు 4.50 శాతం వడ్డీ ఆఫర్ చేస్తోంది.

91 రోజుల నుంచి 6 నెలల వరకు 5 శాతం, 6 నెలల 1 రోజు డిపాజిట్లపై 6.75 శాతం వడ్డీ ఇస్తోంది.

6 నెలల 1 రోజు నుంచి 9 నెలల వరకు 5.50 శాతం, 9 నెలల నుంచి 1 ఏడాది లోపు 6 శాతం వడ్డీ ఇస్తోంది.

ఏడాది టర్మ్ డిపాజిట్లకు 7.40 శాతం, ఏడాది నుంచి 15 నెలల వరకు 7.25 శాతం ఇస్తోంది.

15 నెలల నుంచి 36 నెలల వరకు 7.25 శాతం మేర వడ్డీ ఆఫర్ చేస్తోంది.

3 ఏళ్ల నుంచి 5 సంవత్సరాల లోపు అయితే 6.75 శాతం వడ్డీ ఇస్తోంది.

5 సంవత్సరాల డిపాజిట్లపై గరిష్ఠ వడ్డీ రేటు 8.05 శాతం ఇస్తోంది.

5 సంవత్సరాల నుంచి 10 సంవత్సరాల వరకు 7.25 శాతం వడ్డీ ఇస్తోంది.

సేవింగ్స్ అకౌంట్లపై 7.75 శాతం ఆఫర్

సేవింగ్స్ అకౌంట్ వడ్డీ రేట్లను క్లోజింగ్ బ్యాలెన్స్ ప్రకారం లెక్కిస్తారు. డొమెస్టిక్, ఎన్ఆర్ఈ, ఎన్ఆర్ఓ కేటగిరీ అకౌంట్లకు వడ్డీ రేట్ల మార్పు వర్తిస్తుంది. రూ.1 లక్షలోపు బ్యాలెన్స్ ఉంటే 2.50 శాతం వడ్డీ ఇస్తారు. రూ.1 లక్ష నుంచి రూ.3 లక్షల వరకు ఉంటే 3 శాతం, రూ.5 లక్షల నుంచిరూ.10 లక్షలు ఉంటే 6.25 శాతం వడ్డీ లభిస్తుంది. అలాగే రూ.10 లక్షల నుంచి రూ.5 కోట్ల వరకు అయితే 7.50 శాతం, రూ.5 కోట్ల నుంచి రూ.25 కోట్ల వరకు అయితే గరిష్ఠంగా 7.75 శాతం వడ్డీ ఇస్తోంది.

రేపు తెలంగాణ బంద్‌కు పిలుపు.. కారణం ఏంటంటే..

బీపీ తగ్గేందుకు సద్గురు చెప్పిన చిట్కా, నాలుగు రకాల ఫుడ్స్ తింటే మొత్తం కంట్రోల్

దీపావళి వేళ అదృష్టం పెరగనున్న రాశులివే.. ఈ జాబితాలో మీ రాశి ఉందా?

ఉల్లిపాయ, మిర్చి, నిమ్మకాయ ఉంటే చాలు, ఎలుకలు మీ ఇంటి నుంచి పరార్

రూ.5 లక్షలు ఎఫ్‌డీ చేస్తే ఎంతొస్తుంది?

సూర్యోదయ స్మాల్ ఫైనాన్స్ బ్యాంక్ ప్రస్తుతం 5 ఏళ్ల టెన్యూర్‌పై గరిష్ఠ వడ్డీ రేట్లు ఇస్తోంది. జనరల్ కస్టమర్లకు 8.05 శాతం, సీనియర్లకు 8.10 శాతం వడ్డీ ఆఫర్ చేస్తోంది. ఇందులో రూ.5 లక్షలు సాధారణ కస్టమర్ డిపాజిట్ చేస్తే మెచ్యూరిటీ తర్వాత మొత్తం రూ. 7 లక్షల వరకు వస్తాయి. అదే ఒక సీనియర్ సిటిజన్ అయితే 8.10 శాతం వడ్డీ లభిస్తుంది. వీరికి రూ.5 లక్షలపై అసలు, వడ్డీ కలిపి రూ. 7,01,600 వరకు లభిస్తాయి.