ఆ రోజుల్లో బ్యాంకులు బంద్.. మే నెలలో భారీగా సెలవులు.. ఫుల్ లిస్ట్ ఇదే!

: బ్యాంక్ ఖాతాదారులకు బిగ్ అలర్ట్. ఆర్థిక అవసరాల కోసం బ్యాంకులకు వెళ్లాల్సి వచ్చే వారు కచ్చితంగా ఈ విషయాలు తెలుసుకోవాలి. ఎందుకంటే మే నెలలో బ్యాంకులకు భారీగా సెలవులు ఉన్నాయి. దాదాపు 12 రోజుల పాటు మూసి ఉండనున్నాయి. మరి ఆ వివరాలు తెలుసుకుందాం.

             : ప్రస్తుత రోజుల్లో ప్రతి ఒక్కరి వద్ద బ్యాంక్ ఖాతా ఉంటుంది. ఏదో ఒక అవసరంతో బ్యాంకుకు వెళ్తుంటాం. ఎంత డిజిటల్ పేమెంట్లు అందుబాటులోకి వచ్చినా కొన్ని పనులు పూర్తి చేయాలంటే కచ్చితంగా బ్యాంక్ బ్యాంచుకు వెళ్లాల్సి వస్తుంది. అలాగే వ్యాపారాలు నిర్వహించే వారు తరుచుగా బ్యాంకుకు వెళ్తుంటారు. బ్యాంక్ ద్వారా తమ వ్యాపార లావాదేవీలు నిర్వహిస్తారు. సాధారణ పొదుపు ఖాతా ఉన్న వారికి సైతం బ్యాంకుతో ఏదో పని ఉంటుంది. అలాంటి వారందరికీ ముఖ్యమైన గమనిక. మే నెలలో బ్యాంకులకు భారీగా సెలవులు ఉన్నాయి. ఏకంగా 12 రోజుల పాటు మూత పడనున్నాయి. మరి ఏ రోజు బ్యాంకులు మూసి ఉంటాయి ? ఏ రోజుల్లో తెరిచి ఉంటాయనే విషయాన్ని తెలుసుకోవడం కీలకం. మే నెల బ్యాంకుల సెలవుల జాబితా తెలుసుకుందాం.

రిజర్వ్ బ్యాంక్ ఆఫ్ ఇండియా విడుదల చేసిన వార్షిక సెలవుల జాబితా ప్రకారం బ్యాంకులకు రాష్ట్రాల వారిగా వేరు వేరుగా సెలవులు ఉంటాయి. ప్రాంతీయ పండగలు, జాతీయ సెలవులు, రాష్ట్ర పండగల వంటివి మారుతుంటాయి. ఈ క్రమంలో మే నెలలోనే ప్రాంతాల వారీగా వేరు వేరు పండగలు ఉన్నాయి. వాటి ప్రకారమే బ్యాంకులకు సెలవులు ఇస్తుంటారు.

మే 1వ తేదీ గురువారం: మే డే అంతర్జాతీయ కార్మికుల దినోత్సవం సందర్భంగా దేశవ్యాప్తంగా బ్యాంకులకు సెలవు ఉంటుంది. అదే రోజు మహారాష్ట్ర దినోత్సవం కూడా.

మే 4వ తేదీ ఆదివారం: దేశవ్యాప్తంగా బ్యాంకులకు సాధారణ సెలవు ఉంటుంది.

మే 9వ తేదీ శుక్రవారం: రవీంద్రనాథ్ ఠాగూర్ జయంతి సందర్భంగా బ్యాంకులకు సెలవు

మే 10వ తేదీ శనివారం: నెలలో రెండో శనివారం కాబట్టి బ్యాంకులకు సాధారణ సెలవు

మే 11వ తేదీ ఆదివారం: బ్యాంకులకు వారాంతపు సెలవు

మే 12వ తేదీ సోమవారం: బుద్ధ పౌర్ణిమ సందర్భంగా పలు ప్రాంతాల్లో బ్యాంకులకు సెలవు ఇస్తారు.

మే 16వ తేదీ శుక్రవారం: సిక్కిం స్టేట్ డే సందర్భంగా ఆ రాష్ట్ర వ్యాప్తంగా సెలవు ఉంటుంది.

మే 18వ తేదీ ఆదివారం: వారాంతం కాబట్టి బ్యాంకులకు సాధారణ సెలవు ఉంటుంది.

మే 24వ తేదీ శనివారం: నెలలో నాలుగో శనివారం కాబట్టి బ్యాంకులు మూసి ఉంటాయి.

మే 25వ తేదీ ఆదివారం: వారాంతం సందర్భంగా సాధారణ సెలవు ఉంటుంది.

మే 26వ తేదీ సోమవారం: కాజీ నజ్రుల్ ఇస్లాం పుట్టిన రోజు సందర్భంగా ప్రాంతీయ సెలవు ఉంటుంది.

మే 29వ తేదీ గురువారం: మహారాణా ప్రతాప్ జయంతి సందర్భంగా పలు ప్రాంతాల్లో బ్యాంకులకు సెలవు ఉంటుంది.