మంత్రి అడ్లూరి లక్ష్మణ్ కుమార్ కు శుభాకాంక్షలు తెలిపిన మంత్రి కోమటి రెడ్డి వెంకట్ రెడ్డి

హైదరాబాద్:

డా.బి.ఆర్ అంబేడ్కర్ తెలంగాణ సెక్రటేరియట్ లోని తన ఛాంబర్ లో బాధ్యతలు స్వీకరించిన ఎస్సీ,ఎస్టీ,మైనార్టీ సంక్షేమ శాఖ మంత్రి అడ్లూరి లక్ష్మణ్ కుమార్ కు రాష్ట్ర రోడ్లు భవనాలు, సినిమాటోగ్రఫీ శాఖ మంత్రి శ్రీ కోమటి రెడ్డి వెంకట్ రెడ్డి శుభాకాంక్షలు తెలిపారు.

పార్టీని నమ్ముకున్న సామాన్య కార్యకర్తకు కాంగ్రెస్ పార్టీలో సముచిత స్థానం లభిస్తుందన్న ఉదాహరణ అడ్లూరి లక్ష్మణ్ కుమార్ అని మంత్రి కోమటి రెడ్డి వెంకట్ రెడ్డి ఈ సందర్భంగా గుర్తు చేశారు.

NSUI నుండి మొదలైన అడ్లూరి ప్రస్థానంలో మంచి అవకాశం లభించిందని ప్రజా సేవలో మరింత బాధ్యతగా పనిచేస్తూ ఆదర్శంగా నిలవాలని మంత్రి ఆకాంక్షించారు. నల్గొండ జిల్లా ఇంచార్జి మంత్రిగా కూడా ఉన్నందున ఉమ్మడి నల్గొండ జిల్లా అభివృద్ధిలో సమన్వయ పాత్ర పోషించాలని కోరారు.

మంత్రి వెంట ప్రభుత్వ విప్ బీర్ల ఐలయ్య తో పాటు రంగారెడ్డి,నల్గొండ జిల్లాల పాల ఉత్పత్తి సహకార సంఘం చైర్మన్ జి.మధు సూదన్ రెడ్డి పలువురు ఆయనకు శుభాకాంక్షలు తెలిపారు.