BRS కు నకిరేకల్ మాజీ ఎమ్మెల్యే వేముల వీరేశం గుడ్ బై

 

నల్లగొండ : బీఆర్​ఎస్​ పార్టీకి నకిరేకల్ మాజీ ఎమ్మెల్యే వేముల వీరేశం గుడ్ బై చెప్పారు. బుధవారం తన అనుచరులతో సమావేశమైన ఆయన కార్యకర్తల నిర్ణయం మేరకు ఈ నిర్ణయం తీసుకున్నట్లు ప్రకటించారు. తన ముఖ్య అనుచరులతో ఆత్మీయ సమావేశం నిర్వహించిన ఆయన అందరి నిర్ణయం మేరకు ఈ ప్రకటన చేశారు. అలాగే ఆయనతో పాటు బీఆర్​ఎస్​కు ఆయన అనచరులు మూకుమ్మడిగా రాజీనామాలు చేశారు. నకిరేకల్​ నియోజకవర్గానికి చెందిన పలువురు సర్పంచులు, ఎంపీటీసీలు, జడ్పిటిసిలు కూడా రాజీనామా చేసిన వారిలో ఉన్నారు. అయితే ఆయన కాంగ్రెస్ వైపు అడుగులు వేస్తున్నట్లుగా ఆయన అనుచరులు పేర్కొంటున్నారు. అయితే ఆయన ఏ పార్టీలో చేసే విషయం అధికారికంగా ఆయన ఇంకా ప్రకటించలేదు.